Aoi
Naalimpungatan ako dahil sa sobrang lamig na tumatama sa aking balat. Ewan ko ba, kahit na anong sarap ng aking tulog kapag ganito talaga kalamig ay nagigising pa rin ako.
Tumagilid ako saka iniunat ang aking kanang braso para kumapa ng blangket na ipangbabalot ko sa aking katawan. Pero maya-maya lang ay napatigil ako mula sa ‘king ginagawa nang maramdaman kong tila napakalaki ng ispasiyo sa higaan kung saan ako nakapwesto.
Oo nga pala, wala ako sa aming sariling bahay. Pero, bakit tila mag-isa lang ako? Nasaan kaya ang mokong na may-ari ng k'wartong 'to?
Napabalikwas ako ng bangon at inikot ang aking paningin sa paligid nang tuluyan kong iminulat ang aking mga mata. Napabuntong hininga ako nang mapansin ko na halos hindi nagulo ang kobre kama sa lugar kung saan sana ang pwesto ni
