3rd Person's POV
Padilim na nang mapatingin si Aoi sa bintana ng sinasakyan nila ni Mikell. Hindi nito alam na nakaidlip siya habang nakayuko sa kanyang bag na dala-dala. Malamang, isa sa dahilan n'yon ay ang kanyang pagluha kanina.
Hindi nito napigilan ang mapabuntong hininga nang biglang maalala ang pangyayari bago siya makaidlip. Bahagya niyang ipinilig ang kanyang ulo, upang mapigilan ang sarili sa pag-iisip patungkol doon. Ayaw niya munang alalahanin lahat ng ‘yon dahil tiyak na maiiyak lamang siya ulit kung kanya pang iisipin.
Hindi nakatakas sa kanyang atensyon, ang tila mabagal na pag-usad ng kanilang byahe. Naabutan na sila ng rush hour, dahilan kaya sila napatagal. Gano'n pa man ay nanatili lang siyang tahimik at hindi na nagtanong pa kahit na nais niyang malaman kung nasaan
