Aoi
TULAD kahapon ay wala na naman si Mikell sa ‘king tabi nang magising ako kanina. Pero hindi na ako nagtaka at nag-alala pa, dahil nag-iwan naman siya ng mensahe sa akin.
Ang sabi nito’y may biglaang emergency daw sa kumpanya nila na kailangan niyang unahin at asikasuhin, pero pipilitin niyang makauwi nang maaga dahil gusto nito na siya ang kasama ko kapag nagpa-check-up ako.
Babalik pa sana ako sa pagtulog kanina matapos kong sagutin ang text niya dahil balak ko ang hintayin na lang siya bago mag-asikaso, pero hindi na iyon natuloy nang bigla ko na namang naramdaman ang pagtaob ng aking sikmura.
Ewan ko, pero tila nais kong tumira sa CR kanina dahil sa nararamdaman ko. At dahil doon ay hindi ko na napigilan ang magtaka, dahil ilang araw na 'kong ganito.
Halos huminto ang paghin
