SA kwarto naman ni Dara ay tuluyan pa rin ang interogasyon ni Fiona.
“Dara Nikka Valencia, kung ayaw mong sabihin kung bakit ayaw mong mag-stay sa buhay mo si Dash, sabihin mo na lang kung bakit naka-flight mode ang phone mo. Kaya naman pala hindi kita ma-contact kanina! Nakakaistorbo ba sa pagtitig mo sa screensaver mo kung naka-online ka at may network? Nakakaloka ka!” Naiiritang sita ni Fiona sa kaibigang nakatulala sa kawalan. Bigla itong naging alerto dahil sa sinabi niya.
“Ha? s**t! Kaya naman pala walang text o tawag...” Hinablot ni Dara ang phone mula sa best friend na tinaasan naman siya ng kilay. Nakapameywang pa ito habang nakangisi.
“See? Hindi ka lang tanga, gaga ka pa! Ewan ko sa ‘yo, Bes! Hinihintay mong tumawag pero pinauwi mo naman! Tapos hindi lang ikaw a
