“Na-miss ko ‘to.”
Malawak ang ngiti ni Ruby kahit nasa entrance pa lamang sila ng amusement park. Nilingon niya si Samael sa tabi niya, pinagmamasdan siya nito.
“Are you happy?” he asked.
Agad siyang tumango. “Hindi ko na maalala kung kailan ang huling beses na nakapunta ako rito, bata pa ako no’n.”
“Well, then,” he said, then held her hand. “Let’s enjoy this day.”
Lalong lumawak ang ngiti ni Ruby, hinila niya na agad si Samael. Unang dumapo ang mata niya sa isang booth na nagtitinda ng mga kung ano-ano, mga headband na may mga tenga, mga bracelet, kwintas na pwedeng maging souvenir.
Dinampot niya ang kulay puting headband na may tenga ng pusa at isinuot iyon, tapos ay lumingon siya kay Samael.
“Bagay ba sa’kin?” tanong niya.
He smiled. “You look adorable.”
Ngumiti siya at dumampo
