Mabilis na napadilat si Madison bigla. Nilibot niya ang tingin sa paligid at napadaing siya nang maramdaman niya ang sakit sa braso niya.
“Oh, my gosh!” Nagulat siya nang makita na lumalala ‘yung sugat. Lalong umitim ang paligid nito.
Pinaling-paling niya ang kanyang ulo. Nahihilo siya at butil-butil ang kanyang pawis.
Nanginginig ang kamay niya na kinuha ang phone niya sa bag niya, alas singko pa lang ng umaga. Gaano katagal siyang nakatulog? Ayos lang ba si Egypt?
Kumapit siya sa bato para tumayo. Nagpagewang-gewang siyang umakyat ng hagdan.
Pupunta siya sa bahay ni Samael para ayusin ang sarili niya, tatakpan niya ang sugat niya saka siya babalik kay Egypt. Malapit lang naman ang bahay dito ni Samael.
Pagkarating niya sa bahay ni Samael ay nagpapasalamat siya na walang gising doon
