Nagbuntong-hininga si Ruby bago niya binuksan ang pinto ng kanilang dorm, hindi alam ni Samael na umalis siya ng bahay nito.
Gusto niya lang na huwag munang makita ito para makapag-isip siya ng maayos. At saka aasikasuhin niya ang nangyari sa school nila, hindi pa pala niya iyon nasasabi kay Samael dahil inaway niya ito kagabi.
Kagabi rin nang umuwi si Emma ay nakapag-usap sila nito. Naabutan pa nga siya nito na umiiyak pero ang buong akala nito ay ang insidente sa school ang iniiyakan niya.
Binalita nito sa kanya na nagpapagaling na ‘yung estudyante, hindi rin ito magsasampa ng kaso sa kanya. Ngunit nagpasya ang school na tanggalin siya.
Sobra siyang naiinis dahil alam niya sa sarili niya na wala siyang ginawang masama, nasayang ang lahat ng pagod at hirap na inilaan niya sa school na
