Mabilis na napabangon si Ruby nang makarinig siya ng kaluskos mula sa labas ng kanyang kwarto, nilibot niya muna ang tingin sa buong silid bago siya maingat at tahimik na tumayo.
Napaigtad siya nang makarinig muli ng kalabog, mas malakas ito kaysa sa narinig niya kanina. Para siyang napako sa kanyang kinatatayuan nang marinig ang sigaw ng kaibigan niyang si Clara.
“No, no, please, don’t kill me!” Narinig niyang sigaw nito mula sa labas. “W-why are you doing this?”
Nanginginig niyang binuksan ang pinto at agad na namilog ang mga mata nang maaninag mula sa dilim ang mga nagkalat na dugo sa sahig, ang kaibigan na si Emma ay nakahandusay sa duguan na carpet. At sa kabilang dako ng salas ay nakita niya si Clara na hawak ng isang babae.
Agad niyang dinampot ang anumang bagay na nakita niya m
