Sa isang malaking bahay tumigil ang sinasakyan nila Ruby at Emma, sa labas pa lang ay rinig na rinig na ang malakas na tugtog mula sa loob. Pati ang mga nagkakasiyahan na sigawan ng mga tao.
Malawak ang ngiti na lumingon sa kanya si Emma, hinila siya nito sa kamay kaya’t wala siyang nagawa kung hindi sumunod na lang. Nagpakabog ng malakas sa dibdib niya ang upbeat na kanta nang makapasok sila, sumalubong ang magkahalong amoy ng alak at sigarilyo.
Ang paligid ay madilim at maraming tao na nagtatawanan at nagsasayawan, isang malaking bahay lang iyon ngunit dinaig pa yata ang isang club. Ang mga tao ay kahit isa’y wala siyang nakikilala.
“Emma, we don’t even know anyone here!” sambit niya sa kaibigan ngunit halatang hindi siya nito narinig, hinihila lang siya nito kahit nababangga sila ng
