“Hindi ko alam, akala ko ay nakauwi na siya kagabi ngunit kanina nang gigisingin ko na siya para pumasok sa eskwelahan ay nakita kong wala na siya,” umiiyak na sambit ni Lola Florinda nang tanungin ni Ruby ito.
Kadarating lang nila sa bahay ni Florinda, hindi malaman ni Ruby kung gaano sila kabilis na nakarating. Basta ang alam niya ay halos paliparin ni Egypt ang sasakyan kanina, nilingon niya ito na tahimik na nakaupo lang sa isang one-seater na sofa sa harap niya. Pinapanood nito si Ebony na naglalaro ng manika sa carpet.
“Hindi kaya ay umalis lang siya ng maaga?” ani Ruby na nagpailing ng maraming beses kay Florinda.
“Hindi, anak. Maaga akong nagigising, makikita ko siya kung aalis siya.”
Hindi na nakasagot si Ruby. Hindi rin naman pwede na dumaan ito sa bintana, dahil ang mga bint
