Nag-uwian na ngunit hindi na bumalik si Jupiter. Pinadala ko kay Domino ang bag niya dahil naiwan iyon sa room.
Walang nakakaalam kung nasaan si Jupiter at hindi ko rin makita si Rigo. Hindi ko alam kung anong pinag usapan nila at naku-curious ako ng sobra, gusto kong malaman kung ano ang totoong ugnayan ng dalawa.
Pumasok ako sa trabaho na iyon ang tanging iniisip, may nagtutulak sa'kin na tawagan ang isa sa kanila. Paano pala kung nagpatayan na ang dalawang iyon?
Napatigil ako sa pagbibilang ng pera nang pumasok sa internet cafe si Rigo. Hindi ko inalis ang tingin sa kanya hanggang sa tumigil siya harap ko.
"Isang oras." Sabi niya habang inaabot ang kanyang bayad.
Hindi ako gumalaw at pinasingkit ang mata ko sa kanya. Tumaas ang isang kilay niya na parang hinihintay kung anong sasab
