-JASMINE-
Kanina pa kami nakaupo sa may waiting area ng terminal at matiyaga na hinihintay ang pagdating ni Yvonne. Medyo naiinip na ako dahil wala pang bus o' van na dumating galing Maynila.
Napatingin ako sa kay Tita Amalia na kanina pa parang hindi mapalagay.
Bakit kaya 'di ito mapakali? May nangyari bang hindi maganda? O baka naman may pupuntahan siya.
"May pupuntahan po ba kayo Tita? usisa ko sa kanya. Agad siyang napatingin sa akin. "Okey lang po na iwan ninyo ako. Parating na din po si Yvonne. Kukuha na lang po ako ng tricycle para ihatid kami sa mansyon.
"Nope, wala akong pupuntahan," nakangiting sagot niya ngunit 'di siya makatitig ng diretso sa aking mata. "Bus ba ang sinakyan ng kaibigan mo?"
Gusto kong tampalin ang aking noo, bakit nga ba hindi ko naitanong iyon?
"Ah
