“Ugh.”
Padabog kong ibinagsak ang lapis. Ang tunog nito sa ibabaw ng drafting table ay umalingawngaw sa tahimik kong kwarto, tila isang pangungutya sa kawalan ko ng direksyon at ideya sa gagawin kong dress. Agad kong dinampot ang piraso ng papel kung saan sinubukan kong iguhit ang initial draping para sa gown ni Mia. Sa isang mabilis at marahas na galaw, pinunit ko ito sa gitna isang beses, dalawa, hanggang sa maging maliliit na piraso na lamang ito at itinapon.
Ito na ang pang-ilang draft na itinapon ko sa basurahan. Hindi ko na mabilang kung ilang papel na ang nasayang ko sa pag tatapon at pag pupunit ko. Kanina ko pa sinusubukang ilapat ang lapis sa papel pero tila may sariling isip ang kamay ko, pero ang utak ko, walang isip na puwedeng isipin sa gagawin kong dress. Ang bawat linyang
