Hingal na hingal ako pagbaba ng tricycle sa tapat ng Minda’s Bridal & Formal Wear. Halos madapa pa ako sa kakamadali dahil alam kong kanina pa umuusok ang ilong ni Ate sa kakahintay. Pagpasok ko sa shop, ang bumungad sa akin ay ang tunog ng makinang panahi at ang amoy ng bagong telang satin at lace.
“Alexa! Salamat naman at naisipan mo pang sumulpot!” bungad ni Ate na kasalukuyang nakatayo sa tapat ng isang malaking salamin, sinusukat ang kaniyang veil.
“Sorry na, Ate! Alam mo naman ang prof sa huling subject, parang ayaw na kaming pauwiin,” pagsisinungaling ko. Hindi ko pwedeng sabihin na galing ako sa studio ni Andrew at muntik na kaming magkaroon ng ‘moment’ doon. Baka imbes na gown ang isukat sa akin, itali ako ni Ate sa silya para mag-interrogate.
“O siya, sige na. Tita Minda, heto
