(Continuation of Mark's POV)
Nasa kalagitnaan ako ng daan ay muli na namang sumagi sa aking isip ang huling naging pag-uusap namin ni Gene.
At muli ko na namang naramdaman ang kirot sa aking puso at waring pagkatalo.
Napabuntong hininga na lang ako at napatingin sa gilid ng kalsada paakyat na ng tulay sa quiapo (Quezon brigde na mas kilalang Quiapo brigde) nang mapansin ko ang isang kotseng pahalang na nakahinto sa gilid, na maaari itong masagi ng ilang motorista dahil sa hindi maayos na pagkaka-park.
Hindi ko na pinansin at nagpatuloy na lang ako sa pagmamaneho. Subalit agad kong natapakan ang preno ng aking kotse nang biglang humarang sa gitna ng kalsada ang isang babaeng halatang lasing o lango sa alak. Hindi ko naman maaninaw ang mukha nito dahil bukod sa medyo madilim ay nakaharan
