Kinagabihan, sa kabila ng takot at banta ni Russo, pinilit ni Kaylyn na ituloy ang pagpunta sa bahay nila Ubeth. Pakiramdam niya, kung hindi siya lalabas ngayon, mababaliw na siya sa sobrang stress. Si Jaxon muna ang naiwan sa ospital para bantayan ang kanilang ina, habang ang bunso naman nilang si Geneva ay nagpaiwan sa bahay dahil tambak ng assignments.
Sa bahay nila Ubeth, simple lang ang naging handaan—may videoke, pulutan, at siyempre, ang hiling ni Kaylyn na alak. Habang tumatagal ang gabi at dumarami ang naiinom na beer, unti-unti nang lumalabas ang totoong nararamdaman ni Kaylyn. Ang dating tawa ay napalitan ng hikbi hanggang sa tuluyan na siyang humagulgol sa balikat ng kababata.
"Ubeth... pagod na pagod na ako," simula ni Kaylyn habang nakahawak sa baso, malabo na ang paningin
