HINDI ako mapakali habang paparating sa paparuonan ko si Mama. Nasa labas kami ng gate at papasok palang habang si Alex ay nasa likod ko.
Sinalubong ako ng walang emosyong tingin ni Mama. Alam kong galit ito sa inakto ko kagabi dahil binastos at inaway ko ang kapatid niya.
"Tita-" Hindi natuloy ang pagsasalita ni Alex nang mabilis na niyakap ako ni Mama.
"Kung wala si Alexander ay baka mabaliw na ako kakahanap sayo. Kahit kailan ay palagi mo akong binibigyan ng problema, Isabella," Kumalas na ito at tumingin sa akin."Bakit hindi mo sinabi sa akin na sinasaktan ka pala ng pinsan mo?"
Hindi ako makaimik. Walang alam si Mama sa nararanasan ko noong nasa high school pa lang ako kasama ang pinsan kong si Alohi. Ayaw kong magalit si Mama sa kapatid niya. Yumuko ako.
"Kung damay kana
