"Hay naku, dinadamay mo pa ang kuya mo. Kung tutuusin ay ikaw lang naman ang nagbabanta sa kuya mo na wag kang isumbong, nagdadahilan ka pa eh noh." Sambit ng magandang ginang na si Li Wenren habang hindi pa rin nito tinatantanan ang tenga ng anak nitong si Li Zhilan. Hangga't siya ang ina ng tahanang ito ay siya pa rin ang masusunod. Cargo de consencia niya kasi silang mga anak niya kung sakaling may mangyaring masama sa mga ito.
Mabilis silang pumasok sa loob ng maliit na tahanan nila.
Maya-maya pa ay humagalpak naman sa kakatawa ang mag-amang sina Li Qide ag ang anak nitong batang lalaking si Li Xiaolong. Makikitang halos maluha-luha sila sa kakatawa sa eksenang nakitan ila kani-kanina lamang.
"Masyado mong ini-spoil yang kapatid mo. Hay naku, siguradong hindi siya uubra sa inay mo
