Napatahimik naman ang lahat ng mga martial artists na naririto. Mula sa Pulse Condensation Realm Expert maging ng mga Houtian Realm Expert at Xiantian Realm Expert ay napatahimik lamang lalo na at tila hindi maganda ang pagkakadinig nila sa sinasabi ng isa at kaisa-isang Purple Blood Realm Expert na kasama nila sa paglalakbay papunta sa Red Cloud Sea.
Sa totoo lang ay alam nila ang tunay na mukha sa likod ng lugar na pupuntahan nila na walang iba kundi ang Red Cloud Sea. Isa ito sa maituturing na malaparaiso ang ganda ngunit ang pagpunta at pananatili sa lugar na ito ay isang mapanganib na desisyon. Isa ang lugar na ito sa maituturing na pinamamahayan ng mga mababangis at naglalakasang mga Magical Beasts sa kadahilanang ang lugar na nakapalibot dito ay purong mga masusukal na kagubatan.
