BIGLANG nag-iba ang mood ko nang makita ko si Atlas na may kasamang ibang babae. Hindi ko alam kung saan ko ba nahuhugot ang pakiramdam ko na 'to. Parang gusto kong hilahin ang babae na 'yon palayo kay Atlas kanina.
Pero bakit? Isang malaking tanong sa aking isipan.
Nagda-drive na ako pauwi ng bahay. Bigla akong nawalan ng gana.
Ang excitement ko kanina ay bigla na lang din nawala ng parang bula. Natabunan ng pagkairita at insecurities.
Hindi ko rin pinansin sina Kim at Stacey kanina na panay ang tanong sa akin. Kinukulit nila ako patungkol kay Atlas.
Kaya nagdesisyon akong magkanya-kanya kami ng sasakyan pauwi sa kanya-kanya naming bahay. Ayoko munang sagutin ang mga tanong nila. Dahil hanggang ngayon ay hindi pa rin nila alam na stepbtother ko si Atlas. Ayaw ko rin namang mahalata
