I
Nakakabinging mga katalong ang nangingibabaw na ingay sa kalyeng iyon. Sumasakit ang mga tainga ng mga tao sa kabilang dulo ng kanto na hindi napuntahan ni Calvin. Mas pinili nilang panoorin ang laban sa pagitan ng isang tao at laksa-laksang demonyo. Hindi nila alam kung ga’no kaseryoso ang mga nangyayari. Kung magtagumpay si Legion sa pagpatay kay Calvin, marami ang mamamatay.
Nagpatuloy pa sa pagduduwelo si Legion at si Calvin.
Ang tunog ng bawat pagtatama ng kanilang espada ay parang nakakabinging pompyang. Pero hindi alintana ni Calvin ang nakakabinging ingay. Mas nakatuon siya sa laban.
Ilang pag-iwas ang ginawa ni Calvin sa wasiwas ng espada ni Legion. Dumadampi sa kanyang balat ang init ng apoy sa talim ng espada ng kalaban.
May ilang pagkakataon na sinalag ni Legion ang a
