I
Laging nagdadala ng pangingilabot ang mga kuwento ng lola niya sa kanya no’ng bata pa siya. Lagi siyang nahihirapan makatulog sa tuwing makikita niya sa isip niya kung paano niya in-interpret sa isip niya ang bawat mga detalye ng kuwento ng kanyang lola.
Laging kinukuwento nito na nakakita ito umano ng malaking ahas sa isang oval ng eskuwelahan nu’ng nakatira pa ito sa probinsya ng Bulacan. Hindi lang daw ito ang nakasaksi sa pangyayaring iyon. Marami sila. Nagtataka raw ito kung bakit walang masyadong nagsasalita tungkol sa insidenteng iyon.
Nangyari ang kuwentong iyon no’ng cincuenta anyos ang lola niya. Nasa Manila ang mama’t papa niya na noon ay hindi pa kasal. Hindi pa raw siya pinapanganak. Makalipas ang halos humigit kumulang dalawang taon ay pinanganak siya. Ngayon, anim na p
