"Itaas ang mga kamay. Raid ito!" malakas at mariing wika ni Sean Emerson saka inayos ang pagkahawak sa kalibre kuwarenta-singkong baril.
"Ano ang ibig sabihin nito, bata? Aba'y ikaw na nga ang tinanggap sa trabaho at ngayon ay may raid ka pang nalalaman! Ikaw kaya ang ipa-raid ko ngayon din!" ganting-sigaw ni Boy Kalbo.
"Well, well... Do it if you can, Mr Bobby Ross alyas Boy Kalbo. Hindi rin nasayang ang pagsunod-sunod ko sa iyo ng ilang linggo bilang tauhan mo at pagtira sa lugar na ito sa loob ng ilang buwan," saad niya habang naglakad palapit sa bosabos ng grupong hindi magawa-gawang huliin ng ma kapwa police.
Kaya nga siya umalis ng walang paalam dahil gusto niyang alamin ang dahilan. Bilang chief inspector sa departamento nila ay malaking dagok para sa kaniya ang kinukutya at wal
