50: The Wedding
Kagagaling ko lang ng school at pagkapasok na pagkapasok ko palang sa loob ng bahay ay nakita ko ng busy ang mga kasambahay. May kani-kaniya silang ginagawa. Ang iba ay naglilinis, nagpupunas, at sa kusina naman ay may mga naghahain ng pagkain. Naroon sa dulo si Mama, nagluluto.
Lumapit ako sa kaniya at nagtanong, "Anong meron?"
Humarap siya sa 'kin at malapad na ngumiti. "Your brother's discharged already. Uuwi na siya ngayon."
"Really?" Napatingin ako sa sala nang may marinig akong ingay mula ro'n.
"Nand'yan na po yata sila," sabi ng isang kasambahay. Tumakbo ako papunta sa sala at nakita ko si Yexel at Papa na kakapasok lang.
Nakakalakad na nang maayos si Yexel at maayos na rin ang lagay. May takip lang ang bahagi ng noo niya dahil sa sugat. I kissed Papa's cheeks
