NAPAPALAPAT ng labi si Nicolette habang nasa loob siya ng wrangler jeep ni Lucas. Nasa gilid sila ng daan pababa sa bayan. Walang kabahayan malapit sa kinaroroonan nilang mag-asawa. Bumaba kasi sila ng bayan at may bibilhin sana si Lucas doon. Pero nagkataon na na-flat-an sila ng gulong kaya naman itinabi na muna ni Lucas sa gilid ng kalsada ang wrangler nito at pinapalitan ang gulong ng sasakyan.
Hindi rin maintindihan ni Nicolette ang nadarama. Kanina pa sobrang lakas ng kabog ng dibdib niya. Na tila may nagbabadyang panganib sa kanilang dalawa ni Lucas. Wala pa naman silang ibang kasama dahil mabilis lang sana sila sa bayan. Magdidilim na rin at walang masyadong dumadaang motorista sa daan. May mga streetlights naman ang buong kalsada kaya kahit abutan sila ng dilim doon ay may ilaw s
