Hindi ko alam kung anong magiging reaksiyon ko. Pinilit ko na lang itawid ang pakikipag-usap kay Kate kahit parang gusto ko nang maupo dahil nanginginig ang tuhod ko.
Hindi ko na madama iyong kasiyahan ni Kate, dahil mas malaking bahagi ko na ‘yong nalulunod sa halo-halong negatibong emosyon.
Nang umalis si Kate ay nagsabi na ‘ko sa mga staffs na hindi na muna ako tatanggap ng bisita.
Isinara ko ang pinto. Nagbagsakan kaagad ang luha ko nang mapag-isa ako.
Nakagat ko ang ibabang labi ko.
Sa pagkakahiwalay namin nagkaroon na siya ng iba.
Baka naman bago lang niyang karelasyon ‘yon?
Pero bakit may singsing? It looks like an engagement.
Gusto ko siyang tanungin kung ano ang tungkol sa kanyang My Day pero hindi na pala kailangan. Dahil mayroong public comment kung saan puro ‘Congratu
