“Magkikita kayo?” tanong ni Angela kay Emil.
Alam na ni Angela, nasabi na nga ni Emil kagabi pa.
Mula sa pagkakaupo sa kama ay nilingon siya nito.
“Sabihin mo lang kung hindi ka pumapayag,” malumanay na sabi nito.
Bumalik sa pagkakahiga si Angela.
“Itinanong ko lang, para alam ko kung saan kita hahanapin.”
Nangiti si Emil kaya nangiti rin si Angela.
“Hindi naman ako magtatagal. Marami pa ‘kong naiwanang trabaho.”
“Napagod ako kaya matutulog muna ako.”
Lumapit sa kanya si Emil at hinalikan siya sa noo. Hindi maiwasang mangiti ni Angela. Malambing at gentle si Emil. Sa loob ng relasyon nila, kahit magtabi sila, walang nangyayari maliban sa halik. Minsan nga nagbibigay na ng motibo si Angela pero ang kanyang boyfriend ay wala pa ring balak hubaran siya. Pero ilang linggo na lang mag
