Parang isang pangkaraniwang bagay na lamang ang salitang ‘I love you’ sa pagitan ng mga tao. Hindi na nararamdaman ni Chanel ang kahalagahan ng salitang ‘yon. Alam niyang minsan na rin naman siyang nagmahal, pero nakalimutan na niya kung ano ba talaga ang pakiramdam no’n.
“Chanel, hindi ko sinabing sagutin mo.”
Nangiti si Emil sa naging reaksiyon niya.
“Hindi ko alam kung anong isasagot ko sa ‘yo.”
“Hindi mo naman k—”
“Paano kung katulad ng ibang relasyon may hangganan tayo? Paano kung sa huli hindi naman tayong dalawa? Ayokong mawala ka, hindi mo man naitatanong pakiramdam ko nakatagpo ako ng isang bestfriend sa ‘yo. Pero iyong nararamdaman ko para sa ‘yo alam kong more than that. Pero naisip ko na kapag nawala ka dahil mas pinili kong makipagrelasyon sa ‘yo, pati kaibigan mawawala
