Halos hindi makatulog si Chanel dahil sa kaiisip sa bisita ni Emil nang araw na ‘yon. Naipakilala naman siya nito bilang boss nito at sa kung ano mang dahilan hindi siya natuwa na iyon ang pakilala nito sa kanya.
Sa isang mesa rin ay naroon sila ng tanghalian. Pilit mang inaalis ni Chanel sa isipan ang nangyari sa tanghaliang ‘yon ay hindi niya maiwasan.
Sila lang ang nagtanghalian ng ina, lola, at dalawang batang pinsan ni Emil na si Sammy at Elly, nasa walo ang edad ng dalawa. Kasama nila roon si Angela na mahinhin at walang kaarte-arte sa katawan. Maging ang boses nito ay bagay sa paraan ng pananalita nito.
Dahil babae rin siya alam ni Chanel ang pamumula at pagkahiya ni Angela, maging ang mga panakaw nitong sulyap kay Emil ay may lihim na pagtingin. Madalas ding nakangiti si Emil ka
