2014. Sem break. Realidad.
Dear Sir Rolf,
Lampas alas dose na, gising pa ako. Ganito ba talaga dapat? Hindi ako makatulog tuwing nag-aalala ako sa ‘yo. Hindi pa rin ako makatulog ngayong okay na tayo. Bakit ganoon?
Sobrang saya ko ngayon. Mag-isa akong ngumingiti. Kung dala ko lang si Rolfie, sigurado akong lamog na lamog iyon sa yakap ko. Ano’ng ginagawa mo sa silid ngayon?
Naiisip ko rin si Dodong. Ganoon na ba talaga ka-obvious ang damdamin ko? Nakakahiya pala. Baka pati sina Kuya Aldrin at Ate Mimay nahalata na rin. Nag-iisip ako ngayon kung paano ako magpapanggap na ‘di kita mahal.
Isa pang iniisip ko ngayon ay ang alok ni Dodong. Sobrang natuwa ako na inaalala niya ako nang ganoon. Handa pa siyang magpalabas ng malaking pera para s
