Nagkaroon ng tunog ang tawa ko. “Natatakot na ako kapag binanggit mo na ang pangalan ko,” sabi ko. At nagkuwento na nga ako ng maikling detalye. Tungkol sa buhay namin noon at ang papel ni Dodong sa buhay ko. “Crush ko ‘yon,” dugtong ko. “Siya lang ang guwapo para sa akin noon. Angat naman talaga ang hitsura niya sa lahat kahit lagi siyang madungis at pawis noon. Laging nag-aabot si Dodong noon ng rosas—hindi nga lang para sa akin—para sa ate kong maganda. Ang saklap lang.” Kasunod ang tawa para sa sarili. “Nakita na ni Dodong ang tunay niyang ama. Asensado na siya ngayon. May negosyo, may kotse, may pera. Nakakatuwa lang na ‘yong pangako niya sa akin, kahit nag-iba na ang buhay niya, hindi nakalimutan ni Dodong. Binalikan niya ako…” Nakikinig lang sa akin si Sir Rolf. Naalala ko tuloy si
