Malamig ang simoy ng hangin nang sumapit ang araw ng kasal nina Caleb at Fina, ngunit ang liwanag ng araw ay tila tumutok sa malaking simbahan sa kabilang barrio, parang sinasaksihan nito ang napakahalagang araw para sa dalawa. Maagang dumating ang lahat ng malalapit sa kanila. Sina Aling Ligaya, Lotlot, at Mayet, mga kasambahay sa mansion, kasama sina Manong Mario, Junmar, at ilang trabahador mula sa mansyon at bayan. Lahat sila ay nagniningning sa mga bihis at kasuotan, nagagalak na masaksihan ang simula ng isang bagong kabanata sa buhay nina Caleb at Fina.
Tahimik na naglakad si Don Leandro sa kahabaan ng pasilyo ng simbahan, dala ang kabang nalalaman niyang malapit nang magtapos. Ang simbahan ay puno ng bulaklak na pumapaligid sa bawat upuan, nagkalat ang mga petalyang tila isinabog n
