Maagang dumating sina Caleb at Fina sa lupang pinili para sa itatayong ospital. Nakalatag ito sa gitna ng baryo, malapit sa plaza at mga pangunahing daan upang maging madaling puntahan ng sinumang nangangailangan. Habang pinagmamasdan ni Caleb ang lugar, hindi niya maiwasang makaramdam ng pagmamalaki sa nasimulang proyekto. Alam niyang malaking tulong ito sa mga mamamayan ng baryo.
“Hindi ko inakalang magiging ganito kaganda ang lugar na napili mo,” masayang sambit ni Fina habang hinahaplos ang braso ng asawa.
“Gusto kong siguraduhin na hindi mahihirapan ang mga tao. Kahit papaano, gusto kong maramdaman nila na hindi sila nag-iisa,” sagot ni Caleb habang tinititigan ang lupang kanilang pinagmamasdan. Alam niyang mahalaga ang ospital hindi lamang sa kalusugan ng mga tao kundi bilang simbo
