"Huwag sanang malaman ni Adrian, ang tungkol dito. Ayaw na ayaw kong malaman niya na alam 'nyo na ang tungkol sa kanyang sakit at tiyak magagalit 'yon," saad ni Hiyasmen sa lahat saka lumabas at pumunta sa puno ng mangga kung saan lagi silang tumatambay doon.
Hindi naman nagsalita ang mga ito at tanging paghikbi pa rin ang kanyang naririnig.
"Uy... Tama na 'yang iyak na 'yan. Ang singkit na ng mata mo eh, kapag nagising si Adrian magtataka iyon at ganyan ang awra mo," saad ni Selena kay Hiyasmen.
Hindi napansin ni Hiyasmen na nakasunod pa la ito sa kanya.
"Love mo talaga ako ano?" Napangiti si Hiyasmen kay Selena.
"Bakit?" tanong ni Selena.
"Kasi, ikaw lang ang sumunod sa akin dito para alamin ang ginagawa ko," tugon ni Hiyasmen.
"Alam mo, huwag kang magagalit ha? Dahil sa toto
