"Mahal, nakita mo ba ang cellphone ko? Kanina ko pa kasi hinahanap hindi ko makita," tanong ni Adrian kay Hiyasmen.
"Hindi, saan mo ba nailagay?" pabalik na tanong ni Hiyasmen.
"Hindi ko nga maalala eh. Basta, parang naipatong ko kung saan lang dito." Napakamot si Adrian sa kanyang ulo.
"Daddy anong hinahanap mo?" tanong naman ni Adriana Angel nang pumasok ito sa silid nila.
"Yong cellphone ko anak, nakita mo ba?" tanong ni Adrian dito.
Tumitig naman si Adriana Angel kay Adrian bago inabot ang cellphone na hawak nito sa ama.
"Oh, saan mo ito nakita? Salamat anak ha," tanong ni Adrian dito.
"Hindi ko naman siya nakita. Ahmm... Hiniram ko 'to sa iyo kanina kasi may games sa cellphone mo na gustong gusto ko. Ayon, pinahiram mo sa akin, limot mo na agad," paliwanag ni Adriana Ang
