My Godfather, My Lover

Bata pa lamang ay iba na ang pagtatangi ni Rafaela sa matalik na kaibigan ng kanyang ama na si Savage Marquez. Doble man ang agwat ng edad nila ay hindi problema iyon dahil para sa batang puso niya, ito ang tanging lalaking mamahalin niya.Isang araw ay nawala na lamang ito at ang sabi ng ama niya ay kailangan nitong magpakalayo dahil may minamahal umano ito. Nalungkot man ay pilit niyang kinalimutan ito at itinago na lamang sa dulo ng kanyang puso.

Pagkalipas ng sampung taon ay muli niyang nakita ito na nakangiting kausap ng mga magulang, ang puso niyang akala niyang nakalimot na ay muling tumibok kaya naman ipinagkatiwala niya iyon dito at itinago ang relasyon sa kaniyang mga magulang.

Ngunit paano kung isang umaga ay bigla na lamang itong mawala kasabay ng pagkawala ng mga mahal niya sa buhay? Paano siyang magsisimulang muli kung malulubog siya sa mga utang ng magulang?

Susuong si Rafaela sa buhay na madilim, kapit sa patalim malamnan lamang ang kumakalam na sikmura. Napuno ng galit ang puso niya sa lalaking nangakong poprotektahan siya.

Paano kung sa muling pagkukrus ng mga landas nila ay hindi na siya kilala ng dating pag-ibig? Paano kung sa muli ay tumibok ang puso niyang inakala niyang nabalot ng poot?