***Mira POV***
"MA, ako na po ang magdadala nyan." Presinta ko at kinuha ang bandehadong may lamang sisig na bagong luto. Umuusok usok pa ito. Si mama ang nagluto dahil abala si papa sa pag estima kay Alessandro sa terrace kaharap ang isang case ng beer.
"Dahan dahan lang 'nak dahil mainit na mainit yan." Paalala pa ni mama.
"Opo, ma."
Mabilis ang pintig ng puso ko habang papalapit ako sa terrace. Naririnig ko ang malakas na boses ni papa pati ang tawa nya. Kasama nya sa labas si Alessandro at Kuya Bryce. Hindi na sumali sa inuman ang dalawa kong kuya dahil may pasok pa sila sa trabaho bukas.
Nag excuse ako at nilapag ang bandehadong sisig sa gitna ng coffee table. Nag init ang tenga ko at bahagya pang nanginig ang kamay ko dahil sa pakiramdam na may matang nakatingin sa akin. At
