“M-MAGANDANG gabi po.” Hindi napigilan ni Daniel ang panginginig ng boses niya. Tumayo pa talaga si Russel para kamayan siya.
“Sa wakas, nakilala na rin kita! Alam mo ba na ang daming naikwento sa akin ni Vanessa tungkol sa iyo.”
Biglang kinabahan si Daniel. “T-tulad po ng ano?”
“Pag-usapan na lang natin habang kumakain tayo,” anito.
“Diyan muna kayong dalawa, ha. Kukunin ko lang 'yong baked macaroni. For sure, luto na iyon,” singit ni Vanessa.
Nagkatinginan muna sila ng babae bago ito umalis upang kunin ang pagkaing sinabi nito. Pinaupo naman siya ni Russel. Si Russel naman ay sa kabisera ng lamesa umupo. Nasa kaliwa siya nito. Pagdating ni Vanessa ay sa kanan naman ni Russel ito umupo. Kaya ang nangyari ay magkatapat sila ni Vanessa.
Maganda ang ayos ng lamesa. Pati ang kulay pink
