"KC?" malakas na tawag ni Marcus sa dalaga. Hindi niya alintana kung mukha na siyang basang sisiw. Nilukob ng takot ang buong katawan niya nang sabihin, nang malamang hindi pa bumabalik ang dalaga. Nagngingitngit ang kalooban niya kay Nate dahil hindi man lang nito sinigurado kung nakabalik na ang dalaga gayong mag-partner silang talaga. "KC?" mas nilakasan pa niya ang pagtawag dito. Hinalughog niya ang parte ng kakahuyan na alam niyang pwedeng puntahan ng dalaga.
Sobra ang pag-aalala niya sa dalaga lalo’t gabi na at malakas pa ang ulan. Saan ba nagsuot ang babaeng iyon at magpahanggang ngayon ay hindi pa ito bumabalik? Nag-aalala siyang baka natuklaw na ito ng ahas o nahulog sa bangin. Maraming hindi magagandang eksena ang pumapasok sa isip niya habang hinahanap ang dalaga. Mas lalong su
