Haven Private Hospital…
KASALUKUYAN lang na nakaupo ngayon si Dean sa may side couch sa loob ng silid ng kaniyang Tita Hannah nang gabing ‘yun. Siya kasi ang naatasan na magbabantay sa matandang babae sa ospital habang makikipagpalit naman siya bukas ng umaga kay Maya dahil sabado na at wala naman itong pasok sa paaralan. Si Gavi at si Wendy muna ang naiwan na magbantay kay Maya sa bahay.
Maagang natulog ang kaniyang Tita Hannah ng gabing ‘yun dahil na rin sa ininom nitong gamot kaya naman kahit alas-nuwebe pa lang ng gabi ay mahimbing na itong natutulog. At dahil maaga pa naman kaya hindi pa makatulog si Dean lalo na at tinitingnan niya ngayon sa kaniyang laptop na nasa harapan niya ang soft copy ng income statement ng Dealership Corporation.
Halos ilang oras na rin niyang tinititiga
