Chapter 68
Jennifer
Isang buwan na ang lumipas mula nang tuluyan naming iwan ni Katrina ang Holand. Para bang kahapon lang nang bitawan namin ang lahat—ang tahanang pinagdaanan ng aming pamilya, ang shares namin na pinaghirapan ng aming ama, at ang mga alaalang hindi na namin nais balikan.
Hindi na kami lumingon pa, dahil batid naming iyon ang pinakamainam—para sa ikapapanatag namin ni Katrina, at para na rin sa akin na sawang-sawa na sa paulit-ulit na sugat.
Ngayon, narito kami sa San Isidro, sa probinsya ng Holand. Tahimik ang buhay dito kumpara sa lungsod ng Holand. Sa bawat paggising ko, dinig ang tilaok ng manok, ang halakhakan ng mga batang naglalaro sa kalye, at ang amoy ng bagong lutong pandesal na binebenta sa kanto. Dito kami nakitira sa Tita Cecile, pinsan ng aming ina. Isa
