NANATILI sina Theia at Valentin sa townhouse. Nakatakda siyang makipagkita sa grupo. Nabasa niya ang mensahe na pinadala ni Samantha sa kanya na nais daw siyang makausap ni Madam Red.
Nakalipad na papuntang Macao ang Kuya Greggy niya kasama si Bull. Pansamantalang mananatili ito roon hanggang sa matapos ang misyon niya kay Nixon.
“Ang mabuti pa po ay samahan ko kayo,” saad ni Valentin sa kanya.
“Huwag na Val, kaya ko na ito. Salamat sa lahat ng tulong mo sa akin. Pasensya ka na kung kinakailangang malagay ka sa panganib dahil sa akin,” wika niya sa binata.
“Lady Theia, makakaasa po kayo na tutulong ako sa abot ng aking makakaya. Nag-aalala po ako sa inyo. Delikado ang ginagawa ninyong pakikipaglaro sa kanila,” saad ni Valentin.
Naglilinis ito ng hand gun habang siya naman ay hinahasa
