Nakadikit ang mga palad ko. Nasa tabi ko si Ramey. Pareho kaming tahimik habang nakaupo kami sa malapad at malambot na sofa. Nanatili kaming nakatitig sa carpet na ilalim lang ng mababang mesa na nasa harap ko. Si Ramey naman ay nakasandal. Naputol lamang ang nakakabinging katahimikan na namamagitan sa amin nang ipinatong ang dalawang baso ng juice sa mesa. Sabay kaming napatingin ni Ramey sa gumawa n'on. Bumungad sa amin ay si Naji Chua. Nakasuot ito ng pampatulog. Umupo siya sa sofa na pang-isahang tao lang. Kumawala siya ng isang malalim na buntong-hininga. Nababasa ko ang pinaghalong kaseryosohan at kalungkutan. Napagpasyahan kasi namin ni Ramey na sa kaniya kami tatakbo tutal ay kakilala ko siya at katrabaho din naman siya ng lalaking mahal ko.
Bumaling siya sa amin. "Bakit pakiramda
