Panay kabog ng aking dibdib habang papalapit na kami sa Hochengco Mansion. Nakasunod lang kami sa sasakyan ni atsi Laisa. Nalaman ko lang din na may sariling sasakyan si Ramey pero old model at napapakinabangan pa. Kahit anong pigil at tanggi ko kay Ramey na huwag na muna niyang harapin ang angkan pero ang sabi niya sa akin ay ito na ang tamang panahon para manindigan siya. Hindi ko alam kung ano ang naghihintay sa amin pagdating namin doon. Basta iisang bagay lang na sigurado ako kung sakali na makaharap namin sila: magagalit sila. Lalo na si baba at Vander ahia. Saksi ako kung papaano sila nagalit noon kay Ramey dahil sa ginawang pagbabaya sa akin. Pero para sa akin, paunti-unti na akong nagiging maayos. Ilang beses sumagi sa isipan ko na kung ganito din ba ang naramdaman ni mama noon mu
