Narito ako ngayon sa training ground. Binabaril ko ang target ko ngayon na medyo malayo sa akin. Dito ginagawa ang pag-eensayo ng pagbabaril ng malayuan. Kanina pa ako rito dahil hanggang ngayon ay hindi mawala sa isip ko ang nagawa namin ni Ava kahapon. Inabangan ko nga siya na pumasok sa kumpaniya, pero binalitaan ako ni Ryan na hindi pa rin pumunta si Ava.
Hindi ako naghintay sa kaniya mismo sa kumpaniya. Alam ko na sasayangin ko lang ang oras ko kapag ginawa ko ‘yon. Kaya naman ay narito lang ako sa training ground para mag-ensayo. Ilang araw na rin ako na natitigil sa ensayo. Hindi ko pa rin dapat kalimutan na mayroon pa akong ibang mga kalaban na dapat pagkaabalahan.
“Puro bullseye na ang mga pasok ng bala mo, ah? Pero mukhang malalim ang iniisip mo ngayon, boss,” narinig ko naman
