Pagkatapos namin na kumain ay nagpaalam na kami kay Tita Fiona. Hindi naman na n'ya kami pinigilan dahil napagbigyan naman na namin s'ya sa gusto nito na samahan s'yang kumain. Malapit na naman ang family reunion namin at sigurado akong s'ya na naman ang makikita ng mga nakakatanda. Lalo na ng kan'yang ama na kapatid ni Lolo.
Paglabas namin ay marami pa din ang namamasyal sa loob at parang hindi sila nauubos. Dahil nga holiday season din ay nagdagdag na ng working hours dito na may karampatan na sweldo para sa mga staff.
Nang nasa parking na kami ay inalalayan ko pa si Sierra na makapasok sa kotse.
Agad naman akong umupo sa driver at in-start ang kotse. Gabi na at parang hindi ko man lang napansin ang pagtakbo ng oras ngayon.
Si Sierra naman ay tahimik sa aking tabi.
"Napagod ka ba?
