***Niva POV***
NAGPAKAWALA ako ng malalim na hininga pagtayo ko sa bangkito. Tapos na akong mag banlaw at isasampay ko na lang ang mga damit namin ni Ante Val. Kaunti lang naman ang damit ni Ante at mas marami ang mga damit ko. Bihira lang naman akong maglaba dahil nagpapalaundry kami ni Ante Val. Pero ngayon ay mas gusto kong ako ang maglaba.
"Ay naku, sabi ko naman kase sayo magpalaundry na lang tayo. Dapat nagpapahinga ka ngayong sabado at bukas." Ani Ante Val pagpasok ko sa loob ng bahay. Katatapos ko lang maglaba.
"Ayos lang po, ante. Exercise ko na rin ang paglalaba."
"Wala ka bang gala ngayon?"
"Wala po. Dito lang po ako sa bahay maghapon at bukas." Sabi ko at umupo na sa mesa. Pinagluto ako ni Ante Val ng pancit canton.
"Kuh, napapansin ko parang wala kang social life, ha
