THE REAL CORTEZ
Nagising ako sa mga maliliit na boses na naririnig ko. Hindi ko maintindihan dahil masyadong magulo, pero alam kong nagtatalo sila. Minulat kong maiigi ang mata ko at sinubukang gumalaw, tinignan ko ang katawan ko, nakatali ang buo kong katawan sa kinauupuan ko.
At sinubukan kong kalagin ang sarili, pero pati kamay ko nakataling mahigpit. Ang sakit-sakit ng katawan ko tapos hindi ko pa alam kung nasaan ako. Madilim at puro malalaking box 'yung nasa paligid ko, 'yong mga isinasakay sa barko na may mga laman.
Saan ba ako?
Ang tanging ilaw lang na meron ay 'yung nasa itaas ko, maliban do'n, wala na kaya hindi ko makita ang kabuuan ng lugar sa bandang malayo. Ang huli kong natatandaan nasa graduation ako... Tama! Suot ko pa rin nga 'yong graduation dress ko!
At... si Ja
