NOVEL'S POINT OF VIEW
Kasalukuyang naka-locked ang pinto ng silid ni Ismael at ngayon ay tutungo kami sa secret room niya muli. Pagkapasok namin doon ay wala ring halos pinagbago ang disenyo sa loob niyon. Katulad pa rin noong dati kaya lihim akong napangiti. Maya-maya lamang ay naupo kami pareho sa dulo ng kama.
“Ang nais mo bang itanong ay ang mga nangyari nitong nakaraang araw?” tanong niya kaagad at mukhang naging seryoso rin siya bigla. Huminga ako nang malalim saka dahan-dahang tumango.
“Iyon nga ang nais kong malaman. Actually matagal ko ng nais pero naisip ko na hintayin ko muna siguro ang araw na makauwi ka na bago ako magtanong,” sagot ko at napalunok ng sariling laway. Narinig ko naman ang malalim na buntonghininga na kaniyang pinakawalan bago umusog palapit sa akin sabay haw
