Hindi naman na nagtagal ang pag-uusap namin ng Ma'am Nyla, may tumawag rin kasi sa kaniya at narinig ko ang pangalan na Nicholas, lumabas na rin siya ng silid pagkapaalam. Nang maiwan kami ni Lola Pacita ay hinarap niya naman ako at inilapit sa akin ang cake.
"Huwag mo nang uulitin yung kanina, ha?"
Nahimigan ko sa boses niya ang pag-aalala.
"Opo, lola, pasensiya na rin po."
Hinaplos naman niya ang pisngi ko at ngumiti ng tipid.
"Kumain ka, paborito mo iyan. Ang Ma'am Nyla ang nagpabili para daw pasasalamat sa ginawa mo kanina."
Napatango naman ako at nagsimula nang kumain. Pero habang kumakain ako ay nagsalita ulit ang lola.
"Hindi ba masama ang loob mo sa akin, Allie? "
Ganoon na lang ang pagbaling ko sa kaniya, uminom muna ako ng juice bago nagsalita.
"Po? hindi."
Alam ko na a
